По препорака на Министерството за здравство во Делчево и М.Каменица формирана Итна стоматолошка служба. На територијата на двете општини, како што информираше директорката на делечвскиот здравствен дом, д-р Марија Глигоровска, Итната стоматолошка служба ќе биде организирана со дежурства од матичните стоматолози.
-Пациентите се должни да се јават кај своите матични стоматолози, кој ќе земе стоматолошка анамнеза и анкета и доколку утврди дека пациентот има потреба од итна стоматолошка интервенција го контактира и закажува пациентот кај матичниот стоматолог, истакна Глигоровска.
Според предвиденото ќе бидат примени само итни случаи утврдени според посебна листа за итни случаи на самите стоматолози.
-Тука станува збор за силна постојана забоболка, акутна инфекција како оток, тешко отворање уста и зголемена телесна температура, поголеми краврења кои не сопираат подолг временски период, повреди во подрачје на заби, како и други повреди на горна или долна вилица и орална шуплина додава Глигоровска.
Распоредот за дежурните ординации веќе е истакнат на влезот на амбулантите во Делчево и Каменица. Во Делчево во рамки на Итната стоматолошка служба на располагање на граѓаните се вкупно 13 ординации, додека четири стоматолошки ординации ќе вршат дежурства во општина во М.Каменица .